Абон бæрæгбон уыди Хурвалеты. Ацæргæты хæдзары уæнг, Григолайа Джулийыл (Джулиета) 88 азы сæххæстис.

Бæлæууæндоны (ацæргæты хæдзары) къухдариуæггæнæг ын адджын гуыл (торт) скодта, æмæ йын хæдзары æндæр уæнгтæ - нæлгоймæгтæ та, дидинджытæ балæвар кодтой. Коронавирусы тыххæй, сæм æндæр ничи æрбацыдис. Риск къорды тыххæй, балæууæндон карантины ис.

Григолайа Джули, ацæргæты хæдзары 2019 азы июлы мæйæ цæры.

«Григолайа Джули у Самегрелойæ, профессийæ у уырыссаг æвзаг æмæ литературæйы специалист. Иу хъæбул ын фæзиан, æнæхæдзарæй баззад. Курдиат бадæтта социалон куыстуатмæ æмæ æркуырдта, цæмæй йæ айстаиккой зæрæдты балæууæндонмæ, Хурвалеты ацæргæты хæдзармæ йын загътой æмæ сразы ис», - загъта нын Салиа Люда.

Салиа Люда ма нын ноджы раргом кодта, цæмæй хæрзæввахс рæстæджы Самегрелойы кæй байгом уыдзæн ацæргæты хæдзар:

«Самегрелойы нырма нæй 24-сахатон ахæм хуызы лæггаддзинад, фæлæ уын раргом кæндзынæн сусæгæй, æмæ ацы азы кæронмæ æнæмæнгæй кæй пълан кæнæм, цæмæй байгом кæнæм Рухы хъæуы, Абхазимæ ‘ввахс», - загъта нын балæууæндоны къухдариуæггæнæг Салиа Люда.

Гуры муниципалитеты Хурвалеты хъæуы ацæргæты балæууæндон, «Хæдзар арæнты æдде», 2016 азы байгом ис. Социалон амалиуæг ацæргæтæн рекомендаци кæны мултипрофилон сервисы, цахæм у боны центры лæггæдтæ, хæдзармæ базилыны сервис æмæ темон 24-сахатон лæггаддзинад-балæууæндон. Ацы центр дихгæнæг хаххы цур хъæуты – Хурвалеты, Цъителубанийы, Надарбазевы, Шаушвебы – цæрджытæн æхсæнадæмон донор организациты æххуысæй арæзт æрцыд.