Карелы муниципалитеты Чъвринисы хъæуы нуазын дон æмæ æрдзон газы трубæтæ уадзынц.

Уымæ æнæгæсгæйæ, æмæ бынæттон цæрджыты иу хай хицауады политикæйæ не сты разы.

Уæлдайдæр та, ай уыцы категоримæ хауы, кæцытæн социалон æххуыс сæхгæдтой.
Хъæумæ бацæуæн фæндаг хæлд у. Хъæуы мидæг фæндæгтæ дæр, газификацийы куыстытæ кæныны тыххæй къæхтытæ сты.

Тагъд æххуыс бахъуыды цауы бынатмæ рæстæгыл нæ хæццæ кæны тагъд æххуысы машинæ. Хъæуы нæй скъола, амбулатори, сывæллæтты рæвдауæндон.

Харазашвили Цицино (бынæттон цæрæг): - «Мæнæ цы фæндагыл æрбацыдыстут, федтаиккат æй, цахæм фæндаг у, о, дон аразынц, рацæудзæн, уыдзæн, фæлæ уыййас проблемæтæ ис ацы фæндæгты тыххæй, кæд ма ацы фæндæгтæ сырæзой, уæд ма цы фæрсинаг у. Ахæм фæндæгтæ сты æмæ ардæм цалынмæ тагъд æххуысы машинæ æрбахæццæ уа, уæдмæ лæг мæлгæ дæр акæндзæн».

Гогладзе Эльза (бынæттон цæрæг): - «Ныр райдыдтой дон уадзын, газы æрбауадзын, фæлæ газæй дзурынц, зæгъгæ, дам ын йæ аргъ фылдæр кæнынц æмæ ацы æгуыст адæм куыд хъуамæ фидой, æз нæ зонын, Æз, зæгъæм нæ бафиддзынæн, мæ бон не суыдзæн».

Харазашвили Цицино: - «50 хæдзарджын хъæуы нæм ис æртæ сывæллоны, хъæу сафтид, баззадысты ма 50 азæй фылдæр кæуыл цæуы уыцы адæм. Иннæтæ хъæуæй фæцыдысты. Кæд ардæм ницы æххуыс æрбацæуа, кæд нæ фæрог кæной къух, уæд тагъд рæстæджы ам ничиуал æрлæудзæнис».

Гоголадзе Эльза: - «Æвзонг фæссивæдæй нæм ничиуал баззад, цæуынц хъæуæй, скъола дæр нæм нæй, фæндаг нæм нæй, амбулатори нæм нæй, магазинæй ницы пайда кæнæм, дардмæ нæ цæуын хъæуы, ницы фæрæз кæнæм, куыст махæн нæй æмæ ницы æппындæр».

Харазишвили Цицино: - «Хъæуы æмбисæн сæхгæдтой социалон æххуыс, сымах дæр æй куы уынут? Уæ бон у æмæ мын мæ хæдзары ныв сисат. Социалон æххуыс мын сæхгæдтой. Гæнæн уыд æмæ мæнæн социалон æххуыс сæхгæнын? Пенси мæнæн нæй, мыздисæг мæ бинонтæй ничи у. Ахæм проблемæ ацы хъæуы алкæмæн дæр ис. Ацы аз фæззæджы тыллæг дæр ницы уыдис. Нæ дæр нын донхæры дон ис».