Каспы районы Хъарапилайы хъæу дихгæнæг хаххмæ æввахс у. Уымæ ирон хъæу Сæрибар арæн кæны. Централон автомагистралæй хъæуы онг иу километр æмæ æрдæг дæрддзæф у. Хъæумæ бæлццæттæ ласæн транспорт нæ кусы.

Меладзе Мзия, кæцы йæ моимæ иумæ йæ фыдмæ уазæгуаты æрбацыдысты, уый дзуры, зæгъгæ дам, раджы бæлццæттæ ласæн транспорт къуыри иу хатт цыдис.

«Ныр æппындæр нæ цæуы транспорт. Сæйраг фæндаджы онг цæрджытæ фистæгæй цæуынц. Километр мæ ‘рдæг дæрддзæф у. Зымæджы та ноджы зындæр у искуыдæм цæуын», - дзуры Меладзе Мзия.

Йæ фыдæн ын социалон æххуыс нал раттой йæ бинойнаджы фæзианы фæстæ.
«Мæ бинойнаг фæзиан, стæй мын социалон æххуыс сæхгæдтой. Иунæг хъуг мæм ис. Бæрзонд баллтæ мын уый тыххæй ныффыстой» - загъта нын Меладзе Гиви, Меладзе Мзияйы фыд.

Хъарапилæйы сывæллæтты рæвдауæндон нæй, нæдæр скъола. 8 скъоладзауы хицауады ‘рдыгæй рахицæнгонд транспортыл Къодисцъхъаройы хъæуы скъламæ цæуынц. Къодисцъхъаройы скъола дæр æнæххæст у. Уый фæстæ та сæ ахуыр адарддæр кæнынц Нигозайы астæуккаг скъолайы.

Ирон Хъарапилæйы хъæуы абон цæры 35 хæдзары, кæцыты ‘хсæн Вазагашвилитæ, Меладзетæ æмæ Тъехашвилитæ сты.

Хъæумæ æрдзон газ уагъд ис, электроэнерги хынцгонд цæуы. Нуазыны доны кранттæ сыхты цалдæр ран ис мотажгонд, фæлæ дзы дон æрвылбон нæ цæуы. Резервуарæй раст дих нæ цæуы.