Гуры районы хъæуты – Шаушвебы æмæ Нацъреты – ногкъахт цъайæ дон быдырмæ кæлы.

Шида Картлийы информацион центры журналисттæ ацы факты видеойыл систой.

Муниципалитеты уагдоны специалистты ныхасмæ гæсгæ, цъайтæ 2015 азы сæрды арæзт æрцыдысты, æнæ хызæй.

2016 азы бюджеты та, хызы æмæ резервуары аразынæн æхцайы фæрæзтæ æвæрд нæй.

Гаглошвили Марям: - «Цъай дæлейæ ис, фæлæ йæ хъуамæ ардæм суадзой доны, æз æй куыд зонын, афтæмæй. Сæрды райдыдтой кусын æмæ ныр зымæг у, ныфс нын æвæрынц уалдзæгмæ йæ кæй фæуыдзысты арæзт. Кæд ацы хорздзинад сараздзысты, стыр бузныг уыдзыстæм ацы хицауадæй».

Цъамаладзе Медикъо: - «Хынцæгтæ нын сæвæрдзысты, афтæ нын баныфсæвæрдтой. Тендеры чи фæуæлахиз уа ног компанитæй, уый нын сараздзæнис».

Тваури Манана, Гуры муниципалитеты уагдоны специалист, Шаушвебы территориалон темы: - «Æнхъæлмæ кæсæм, цæмæй ацы азы хызуадзæн куыстытæ уагъд æрцæудзæн.

Махъишвили Ирма, Гуры муниципалитеты уагдоны специалист Шаушвебы территориалон темы: - «Зонæм æй, цæмæй 2016 азы хызуадзынæн æмæ резервуарæн æхцайы фæрæзтæ кæй ис рахицæнгонд, мах ацы информаци муниципалитетæй зонæм».

Тваури Манана телефонæй ныхас кодта Кудухашвили Зурабимæ (Гуры муниципалитеты административон уагдоны уæнгимæ Шаушвебы темæй);

Тваури Манана: - Зура, дæ бон хорз. Зура, мæнæ дæ цъайы, хызуадзæны фæдыл хъыг дарын æмæ мын кæд гæнæн ис зæгъай Нацъреты æмæ Шаушвебы тыххæй? Ома, æхцайы фæрæзтæ ис æви нæ рахицæнгонд хызуадзынæн? Зурайы дзуапп уыд, цæмæй официалонæй æхцайы фæрæзтæ рахицæнгонд нæма ис.

Нæлгоймаг доны цур: - «Цы уавæр у, цы, æмæ сæфт, алцыппæт, дон нæ цæуы. Æрмæст мæнæ ацы иу бынаты цæуы дон».

Гаглошвили Марям: - «Æз ам рагæй цæрын, æмæ ацы дон дæр рагæй цæуы ам, фæлæ ацы аз фæкъаддæр ис, тынг æвзæр уавæры у».

Тваури Манана: - «Кæд арæзт æрцыд цъай, уæд хызуадзын дæр æвæццæгæн арæзт æрцæудзæн, кæй зæгъын æй хъæуы, æхцайы фæрæзтæ бахъæудзысты, æмæ ноджы фылдæр бахъæудзæн. Мæн ныфс ис æмæ æнæмæнгæй арæзт æрцæудзæн».



«Ныр æвзæрстытæ дæр æрæввахс кæнынц æмæ кæй зæгъын æй хъæуы, сараздзысты йæ æвзæрстытæм».