Гуры муниципалитеты Надарбазевы хъæуы цы донмарæн ис уым дон нал едзаг кæны.

Хъæууон хæдзарады минстрады мелирацион куысты Шида Картлийы уагдоны хистæр комментарийæ йæхи хизы.

Надарбазевы донмарæн Квернакы хохрæбын ис. Дон Хурвалеты хъæуæй цъирæнæй æмбырдгонд кæны. Уый фæстæ йæхигъæдæй хъæуырдæм рацæуы.

Ацы донмарæны донæй ирон хъæутæ дæр пайда кæнынц.

Губернаторы хæдивæг Шавшишвили Амиран зæгъы, цæмæй донмарæны доны æмбырд кæнын рæстæгмæ æрлæууыд, уый тыххæй æмæ къанауоты сыгъдæггæнæн куыстытæ уагъд цæуы.

Миделашвили Давит (бынæттон цæрæг): - «Ныртæккæ донмарæны дон нæ тымбыл кæны, Куыд зæгъынц, афтæмæй дам цъирæн у хæлд. Ныры онг дон цыди. Хæлд ницы у, мæнæ та йæ æвæццæгæн сцъирдзысты доны æмæ рацæудзæни».

Гочъошвили Владимер, хъæуы хистæр: - «Губернаторы куы фæивтой, уæдæй фæстæмæ дам, Надарбазевы дон нал æмбырд кæны, афтæ дзурынц, хъæуы».

Гочиташвили Гоча, Къаспы муниципалитеты хистæр: - «Бирæ цæмæйдæрты баст у ууыл дæр. Нæуи, йæ цæмæй зонат, уым æндæр масштабон проект хъæуы аразын. Губернатортæ гæнæн ис ацæуой æмæ æрбацæуой, фæлæ фæнд кæнынц ноджы доны æмбырд кæнын. Уый куы нæ байдзаг уа, нæ хъæутæ æнæдонæй баззайдзысты».

Миделашвили Давит: - «Фæзынд ыл æмæ, ам дон кæй æртымбыл, нырмæ афтæ нæ уыдис. Фæлæ йæ куынæ сцъирай йæхигъæдæй ам дон не ‘мбырд кæны. Хурвалеты сты мотортæ ‘вæрд æмæ уыдыгæй ардæм цъирынц дон».
«Ацы цадæн стыр нысаниуæг ис. Донхорыг дзы цæуы Гуры районы хъæутæ дæр æмæ Къаспы районы хъæутæ дæр. Ай æххæстæй едзаггонд куы ‘рцæуид, уæд æввахс хъæутæн дæр фаг уаид. Дыргътæ хус кæнынц, сывæллонæн дыргъ куы нæ ратонай, уæд уый цы цард у».