Сурамелы цæугæдоны сыгъдæггæнæн куыстытæн расидгæ тендеры компани «Гамрекъели», фæуæлахизы нысанæй, тендеры райдиан суммæ дыууæ хатты фæкъаддæр кодта.

Хашуры муниципалитеты гамгеобайы æлхæдтыты къамисы аскъуыддзагмæ гæсгæйæ, банысангонд компани уæлахиздзау сси. Компанийы къухдариуæггæнæг Гамрекъели Леуаны бадзырдыл къух æрфыссынмæ 3-æм ноябры фæсидтысты.

Конкурент компани та, æлхæдтыты къамис æнæдырыс скъуыддзаг райсты фæаххосджын кодта. «Реал енерджи» тендеры фæстиуджыты аивын домы.

Осиауры хъæуы куыстытæ æмæ Ахассопелы хъæуы Сурамелы цæугæдоны калапоты сыгъдæггæнæн куыстытæм хауы.

Хъуыддаг уый мидæг ис, цæмæй 2016 азы 28-æм октябры ауагъд тендеры хайад райстой фондз компанийы. «Гамрекъелийы» конкурент уыдис Рустауы регистрацигонд компани «Реал енерджи».

Фыццаг раундæй æртыккаг раундмæ, «Гамрекъелийы» амынд аргъ, 21 480 ларийæ, 15 мин ларимæ æрхызти.

«Реал енерджи» та, 17 мин ларийы онг фыста. Иннæ æртæ компанийы та 27 мин ларийыл æрлæууыд.

Компани «Реал енерджийы» хъуыдымæ гæсгæйæ, «Гамрекъелийы» рдыгæй бавдыстгонд документаци нæ дзуапп кæны аккаг уавæртæн.

Сæрмагондæй, 2016 азы 4-æм октябры оформитгонд бадзырды фæлгæтты Гамрекъелийы компани Мшен-бенийæн рафыста фидинæгты фактурæ, цыран фыст ис 2016 азы 5 октябры оформитгонд #16 бадзырды «лæггæдтæ».

«Ай дзуры уыцы фактыл, цæмæй койгонд бадзырдмæ гæсгæйæ куыст ма хъуамæ уа æххæстгонд кæнæ та ма хъуамæ уа кæронмæ фæуд», – зæгъы «Реал енерджийы» бæрнон лæг.

Уымæй дарддæр ма, койгонд фидинæгты фактурæйыл галиуфарс къуымы фыст ис, цæмæй банысангонд документ æрмæст æрвыст у æмæ нæу бæлвырдгонд.

«Ам ма фæнысан кæнын хъæуы уый, цæмæй бадзырды фæлгæтты нæй бавдыст сæххæстгонд куыстыты тыххæй форма #2, кæцыйы ранымадгонд уыдаид фактивонæй сæххæстгонд куыстытæ, цæмæй сбæлвырд кодтаит претъенденты рдыгæй аналогион кæнæ æндæр арæзтадон куыстыты сæххæст кæныны фæлтæрддзинад. Афтæ ма, нæу бавдыстгонд электронон тендеры нæдæр иу æндæр бадзырдыл сæххæстгонд куыстыты тыххæй формæ #2», – зæгъы «Реал енерджийы» бæрнон лæг.

Ноджыдæр ма иу факт, кæцы гæнæн ис, тендеры фæуæлахизуæвæг компанийы дисквалификацийы аххосаг суа.

Сæрмагондæй, 2016 азы 3-æм сентябры бадзырды фæлгæтты претъенденты бæлвырд кæнынæй заказгæнæгæн компани стандарт-мшенийæн сæххæстгонд ис 25 000 ларийы куыстытæ æмæ йын ацы цауы дæр æрмæст æрвыст ис фидинæгты хыгъд-фактурæ, кæцы нæу заказгæнæджы къухфыстимæ.

«Уымæ гæсгæйæ, нымайæм, цæмæй претъендентæн – компани Гамрекъелийæн нæй тендермæ гæсгæйæ арæзтадон куыстыты ауадзыны фæлтæрддзинад, кæцы хъуамæ уа иууыл къаддæр 80 000 ларийы бæрц», – фыссы «Реал енерджийы» бæрнон лæг фиддонты агентадмæ æмæ домы тендерæй «Гамрекъелийы» аиуварс кæнын.

Хашуры муниципалитеты гамгеобайы фиддонты куыстуаты минæвар, Хведелидзе Этер зæгъы, цæмæй гамгеобайы позици уæдæй фæстæмæ суыдзæн зындгонд, фиддонты агентад скъуыддзаг куы рахæсдзæн.

«Агентады знон уагъд æрцыд рабадт, скъуыддзаг нырма махæн дæр нæу зындгонд. 10 боны дæргъы йæ рапарахат кæндзысты. Нæ позици дæр нын уæд базондзыстут», - загъта нын Хведелидзе Этер.