Гуры муниципалитеты Меджврисхеуы 53 пенсионерæн æхсызгон хабар фехъусын кодтой.

Либерти банк, йæхи сæрмагонд æмкусæджы архайдæй зианбаййæфæг социалонæй æнæхъахъхъæд, иунæг æмæ æгуыст бинонты уæнгтыл, тæрхондонмæ нал хъаст кæны.

Ай фæдыл пенсионертæ Шида Картлийы информацион центрæн тæрхондоны рабадты фæуды фæстæ фехъусын кодтой.

Либерти банкы минæвар тæрхоны процессы рæстæджы загъта, цæмæй сын уыдонæй алкæмæндæр банкы сæйраг офисы къухдариуæгад ногазон лæвар скодта.

Хъуыддаг уый мидæг ис, æмæ Меджврисхеуы 53 пенсионермæ æмбæлгæ суммæйы фæлывддзинадæй хи бакæныны фактыл, Шида Картлийы информацион центр дæргъвæтин æрмæг æрцæттæ кодта.

Репортажмæ гæсгæйæ, ацы хъæуы цæрæг, банкы æмкусæг Иардалашвили Иракъли пенсионерты номæй 10-12-28-25 мæйон хæстæ рахаста.

Банкы мидæгон аудиты раиртæсты бындурыл, банкы æмкусæг куыстæй систой, пенсионертæн уый тыххæй курдиæттæ ныффыссын кодтой æмæ сæ фæдагурынмæ полицæмæ адæттой.

Фæдагуырды процессы зылынмæ лæвæрды ‘рдыгæй пенсионерты æндæр къухфыстытæ бахастой. Ацы къухфыстытæм гæсгæйæ, пенсионертæн Иардалашвили Иракълимæ претензитæ нæ уыди.

Гуры мидхъуыддæгты уагдоны æмкусæг Мтварелидзе Михел алы пенсионеры дæр Меджврисхеуы мидхъуыддæгты хайадмæ зылынмæ лæвæрды хионы æххуысæй æрбакодта. Пенсионерты ныхасмæ гæсгæйæ, растдæр фæдагурæг ныффыссын кодта уыдонæн ног æвдыстытæ, кæцымæ гæсгæйæ сæм нæй претензитæ ныр дæр Иардалашвили Иракълийы рдæм.

Ахæм æвдыст æрмæст дыууæ пенсионеры нæ ныффыста. Иннæ 51 пенсионеры, фæдагурæджы версимæ гæсгæ, зианбаййафæгыл нымад нæ цæуынц, æмæ уымæ гæсгæйæ, нæдæр Либерти банк банымадта уыдон зианбаййафæгыл.

Амæй фæстæмæ Либерти банкы юридикон департаменты бæрнон кусджытæ хæсæй лæвæрд суммæйы фæстæмæ раздахын, комкоммæ, пенсионерты пенсион суммæйæ райсын аскъуыддзаг кодта æмæ 51 пенсионерыл алкæуыл дæр тæрхондонмæ индивидуалонæй бахъаст кодта.

Шида Картлийы центры ‘рдыгæй æрцæттæгонд æрмæджы фæстæ, 20 декабры, Либерти банкы юрист тæрхондонæй йæ хъаст фæстæмæ рахаста.

Ай фæдыл, нæм банкы бæрнон кусджытæ курдиат æрбадæттой:
«Куыд зонут афтæмæй, цалдæр мæйы размæ Либерти банкы ‘рдыгæй бæрæггонд æрцыд пенсионерты номыл мæнг кредитон бадзырдты бындурыл суммæты хибакæныны факт, цæй фæстиуæгæндæр зиан баййæфта банкы 51 клиенты. Пенсионерты интересты хахъхъæныны нысанæй, факты сбæрæг кæнынмæ гæсгæ, банк уыдонæн се ‘нæрайсгæ пенсийы ратта алы бенефициарæн дæр, цæмæй уыдонæн ма фæцух уа сæ цæрæн фæрæз. Банкы ‘рдыгæй лæвæрд суммæ æдæппæт у – 27 974 лари».

Фактыл æвæстиатæй райдыдта уголовон хъуыддаг, фæлæ хъыгагæн, барадхъахъхъæныны структурæты ‘рдыгæй не рцыд сгæрст иуæй-иу пенсионеры ‘рдыгæй фыст курдиаты ми-дисы рæстдзинад æмæ 27 974 мин ларийы хайы банкы зианбаййафæджы бæрæггæнæг гæххæтт нæ раттой. Фæстиуæгæн райстам уыцы факт, цыма пенсионртæ райстой дыккаг хатт æмбæлгæ пенсийы.

Уæ зæрдыл уын æрлæууын кæндзыстæм, æмæ банкыл парахат кæй цæуы бадзырдон æмæ закондæттæн хæсдзинад, цæмæй паддзахады ‘рдыгæй рахицæнгонд æфтиаг байуара алкæ¬цы бенефициарыл æнæрæдыдæй æмæ специалон фæткы хъахъхъæдæй, фæлæ рæдыдæй лæвæрд суммæйы та фæстæмæ хъуамæ раздаха бюджетмæ. Уымæ гæсгæйæ, цæмæй банк ма уыдид зындгонд зианбаййафæгæй хибаконды суммæйы æххæст бæрцыл, сæрмагонд хæсдзинæдты сæххæст кæнынæн банк хъаст балæвæрдта конкретон пенсионерты ныхмæ дыккаг хатт райсгæ æфтиаг фæстæмæ раздахынæн.

Амæ æнæгæсгæйæ, хъуыддаджы цæугæйы рæстæджы сбæрæггонд фактивон уавæртæм гæсгæйæ, нæ хъус æрдардтам ацы нысангонд проблемæ кæй у расайæг объективон æви субъективон факторты æмæ пенсионерты уæззау уавæры. Банкы æмкусджытæ равдыстой хæлар ахаст æмæ аскъуыддзаг кодтой фæстæмæ æркурын алкæцы хъасты дæр, кæцы лæвæрд уыд барадон уагдонмæ. Фæстиуæгæн банк йæхæдæг бафиддзæн ацы зианы уый ныфсæй, æмæ аккаг барадхъахъхъæнæг структурæтæ эфективонæй разамынд кæндзысты фидæны фæдагурæн архайдтытæн æмæ банкæн ратдзысты гæнæндзинад райсгæ зианы раздаха фæстæмæ комкоммæ барадхъахъхъæнджытæй.

Кæс ацы темæйыл:
Меджврисхеуы 53 пенсионеры пенсийы суммæ фесæфтис