Британийы советы инициативæй, Гуры мерийы æвзонг фæсивæды, культурæйы æмæ рухсады центры, англисаг æвзаджы клуб байгом.

Клубимæ иумæ бынаты англисаг æвзаджы ресурс-центр арæзт æрцыд, цыран 8-æй 18 азмæ кары ахуырдзаутæ, æппæтæй, чингуытæй, онлайн ресурстæй, аудио æмæ видеоæрмæгæй спайда кæндзысты æнæаргъæй.

Афтæ ма англисаг æвзаджы конкурсы райсдзысты хайад æмæ кæй зæгъын æй хъæуы, уроктæм дæр байхъусдзысты.

Англисаг æвзаджы клубы абон Стыр Британийы æмæ Цæгат Ирландийы баиугонд паддзахады сæрмагонд æмæ æххæстбарджын минæвар Джастин Макъензи Смитъ æмæ Британийы советы директор Гуырдзыстоны Пурцеладзе Заза уазæгуаты уыдысты.

Гуры мерийы пресс-куыстуаты бæрæггæнæнмæ гæсгæйæ, центр æнæхъæнæй Гуры муниципалитетæн (горæтæн æмæ районæн) балæггад кæндзæн.

Ныртæккæ, IV-æй XII къласмæ, англисаг æвзаг 1300 саби ахуыр кæны. Банысангонд программæ социалонæй æнæхъахъхъæд, лигъдон, бирæхъæбулджын æмæ цыбыр фадæтты уæвæг бинонты уæнгтæн у нымад.

Проекты фæлгæтты Британийы минæварад «Центрæн» ратта 5000 ларæй фылдæр æргъады ахуыргæнæн литературæ æмæ канцаларион дзауматæ, 4 лептопы хъусæнтимæ, сканер- принтер, LED телевизор, æдæппæтæй 20 000 ларийы æргъады техникон арæзтад. Проект фæуд кæны апрелы мæйы.

«Ахæм бæстæтæн, цахæм у Гуырдзыстон, кæцы тырны ноджы тынгдæр æрæввахс уа Европæмæ, англисаг æвзаг æвдисы иуыл нысаниуæгджындæр фæсарæйнаг æвзаг, кæцы иннæ дунеимæ коммуникацийæн пайдагонд цæуы. Махæн тынг æхсызгон у, æмæ Гуры муниципалитеты мерийы æвзонг фæсивæды, культурæйы æмæ рухсады центримæ иумæ баныхасгонд партнерады бадзырды æмæ æмгуысты меморандумы фæндзæм аз дæтты гæнæндзинад, нæ хай бахæссæм Шида Картлийы регионы англисаг æвзаджы ахуыр кæныны æнцонвадат скæнынæн», - загъта Британийы минæвар.

Проекты ма дзырд цæуы педагогты æдзухæй професионалон рæзынады (ჩPD) ног моделмæ гæсгæйæ кусын, бынæттон англисаг æвзаджы ахуыргæнджыты професионалон  компетенциты фæхуыздæр кæнын, кæцыйы фæлгæтты, англисаг æвзаджы педагогтæн уагъд æрцæудзæнис тренингтæ æмæ цыбыр професионалон семинартæ.

2016 азы райдыдта нысаниуæгджын проекты æххæсткæнынад, кæцымæ гæсгæ хъуамæ англисаг æвзаджы педагогты бацæттæ кæнын æмæ ахуырдзаутæн англисаг æвзаджы ахуыргæнæн курс ифтонггонд æрцыдаид.

Банысангонд проекты фæлгæтты декабры мæйы бацæттæгонд æрцыд 20 педагогы, фæлæ январы мæйы та плангонд ис тренингтæ ауадзын 22 педагогæн.