Къаспы муниципалитеты 6 адиминистративон темы, Европæйы Совет проекты фæлгæтты, æууæнкдзинадæй хотыхдгонд гоймæгты агурын байдыдта.
Ай фæдыл Шида Картлийы информацион центрæн Къавтисхеуы хъæуæй фехъусын кодтой.

Адиминистративон темы специалисты бæрæггæнæнмæ гæсгæ, фембæлдтытæ Мирианы æмæ Квемо Хандакы ныридæгæн уагъд æрцыд. Хæрз æввахс рæстæджыты, иннæ хъæутыл дæр æрзилдзысты.

Хъуыддаг уый мидæг ис, æмæ Европæйы Советы гранты фæлгæтты, кæцы Къаспы муниципалитеты гамгеоба рамбылдта, районы 6 темы информацион советтæ хъуамæ комплектгонд æрцæуа.

Гамгеоба Европæйы Советæй 18 мин евройы æргъады грант райста.

Адон уыцы темтæ сты (æдæппæт 6), цыранмæ хæххон бæстæйы статусы уæвæг цæрæнуæттæ хауынц.

Проекты ном хуыйны «информацигонд æмбæстаг – хъомысджын хæдхицауиуæгад», кæцыйы нысан у хæдхицауиуæгады сæххæст кæныны процессы æмбæстонтæн информаци дæттын æмæ хайад райсыны фæндагæй, муниципалитеты рæзынад æмæ лæггæдты гъæд фæхуыздæр кæнын.

Къавтисхеуы территорион темы специалисты кудиатмæ гæсгæ, цæрджытæн лæвæрд æрцыд нысангонд проекты фæдыл, информаци.

«Фембæлдтыл сын мах загътам, цæмæй зæгъой сæ кандидатты, кæцытæ хайад райсдзысты информацион советты комплект кæныны тыххæй сплангонд æвзæрстыты», - загъта нын Къавтисхеуы темы минæвар.

«Проекты фæлгæтты нæ муниципалитеты 6 темы байгом информацион советтæ, кæцыйы уæнгтæ бынæттон цæрджытæн сæ алы фарстæн дæр дзуапп ратдзысты», - загътой нын гамгеобайы.

Ахæм центртæ байгом уыдзæн хъæуты: Ахалкалачы, Цъинарехы, Квемо Чъалайы, Окъамы, Къодисцъхъаройы æмæ Къавтисхеуы.

Алы офисы дæр бынæттон цæрджытæн æртæ адæймаг лæггад кæндзæни.
Фембæлдты бынæттæ нырыккон техникон фæрæзтæй ифтонггонд æрцæудзысты.