8-æм апрелы, Эргнеты хъæуы сабырадон протестон акци уагъд æрцыд.

Дихгæнæг хаххмæ ввахс æрæмбырд уæвæг æмбæстæгтæ, Цхинвалы 9-æм апрелы сплангонд, президентон æвзæрстытæ æмæ референдумы спротест кодтой.

Акцийы организатор реабилитацийы æмæ рæзынады центр «Эргнет» æмæ йæ уæнгдæ уыдысты.

Организацийы къухдариуæггæнæг Члачидзе Лия зæгъы, цæмæй дэ-факто Хуссар Ирыстоны хицауады æвзæрстытæ æнæлегитимон сты.

«Æвзæрстытæ легитимонæй нымад цæуынц уыцы цауы, кæд дзы хайад исынц цæрджытæн сæ фылдæр хай. Абоны реалондзинад та уый у, æмæ Цхинвалæй æмæ Цхинвалмæ æввахс хъæутæй ралидзгæ сты цæрджытæн сæ фылдæр хай», - зæгъы Члачидзе Лия.

Акцимæ стыр Леуахигомы лигъдон Бабуцидзе Цицино дæр баиу ис. Уый Эргнеты хъæумæ специалонæй ныццыди, цæмæй йæ протест равдыстаид.

Поэт Бабуцидзе Цицино зæгъы, цæмæй æхсæнадæмон æхсæнад этниконæй гуырдзиаг цæрджыты рарвитыны тыххæй хъуамæ тæрхон рахæсса, фæлæ этникон ирæттимæ æмахастытæ та хъуамæ æрбæстон уой хæстæй нæ фæлæ сабырадон фæндагæй.

Эргнеты хъæуы æрæмбырд уæвæг æмбæстæгты протесты ма Цхинвалы сплангонд референдум дæр расайдта. Æвзæрстыты паралеллонæй, цæрджыты хсæн плебисцит уагъд цæуы.

Сæрмагондæй, дэ-факто президент Тыбылты Леониды инициативæй, «Хуссар Ирыстоны» гæнæн ис æмæ «Алани» схоной.

Члачидзе Лиайы ныхасмæ гæсгæ, ацы цауы историйы фæмæнг кæныныл цæуы дзырд, уый тыххæй æмæ, историон «Алани» Кавказы хæхты рагъы цæгатырдыгæй уыди. «Аланийы» ном раттыны фарстæйы зон Гуры университеты историктæ æмæ политологтæ дæр спротест кодтой.

Цхинвалы хицауад æвзæрстытæм уæддæр йæхи цæттæ кæны. Тибиловы хицауады централон æвзарæн къамисы 40 мин бюллетены мыхуыргонд ис. Æвзæрстыты æртæ кандидаты хайад исы – Тыбылты Леонид, Бибылты Анатоли æмæ Гаглойты Алан. Æртæ дæр сты бынæттон хицауады æндæр æмæ æндæр уагдоны разамонджытæ.

Уыдон Гуырдзыстоны агрессор бæстæ хонынц æмæ йын йæ хицауады этниконæй ирон æмбæстæгты рарвитынæй аххосджын кæнынц, куыд 90-æм азты, афтæ, 2008 азы августы æрцæугæ фæзындты контексты.

Дэ-факто Хуссар Ирыстоны 2008 азы Уæрæсейы Федераци хæдбар республикæйæ расидти. Хуссар Ирыстоны территорийы æхсæнадæмон æмбалады бæстæтæ Гуырдзыстоны сконды нымайы.