Гуырдзыстоны мидхъуыддæгты министрады æмкусджытæ, Владикавказæй Цхинвалыл рацæугæ, куыдзы райсыныл «нæ» загътой.
Ай фæдыл Шида Картлийы информацион центримæ цæрæгойты хъахъхъæнæг Мтиулишвили Ирма ныхас кодта.

Уый ныхасмæ гæсгæ, вирусы æрбахæссыны тæсæй, полицæйæгтæ зианбаййафæг цæрæгойы æрбауадзыныл не сразы сты.

Уæнгтæцъæл куыдзæн æвæстиатæй операци кæнын хъæуы, кæцыйы хос кæнынмæ Елизбарашвили Тамазы ветеринарон хæдзары æмкусджытæ цæттæ сты.

Хъуыддаг уый мидæг ис, æмæ владикавказаг иу æмбæстаг аварийы бахауæг куыдзы йæхимæ бавæрдта. Зианбаййафæг цæрæгой уымæн йæ куыстуаты цур уыди. Сылгоймаг, кæцыйæн йæ хæстæджытæ Тбилисы цæрынц, аскъуыддзаг кодта, цæмæй йæ Тбилисмæ куыдздонмæ рарвыстаид.

Куыд рабæрæг уымæ гæсгæ, Владикавказы æмæ Цхинвалы ветеринарон куыдздон нæй, нæ дæр дзы цæрæгойтæн хосгæнæн уагдон ис. Уыдон æнæхицау куыйты куынæг кæнынц.

«Куыдзы бавæрджытæ нæ куыдздоны хицаумæ фехъусын кодтой Владикавказæй æмæ æххуыс ракуырдтой. Кæй зæгъын æй хъæуы, Елизбарашвили Тамази сразы ис куыдзы райсыныл æмæ фервæзын кæныныл, фæлæ проблемæ уый у, æмæ куыдзы арæныл рахизын кæнын хъæуы. Кæд ацы къуылымпыдзинад аиуварс кæндзыстæм, уæд æй æнæмæнгæй фервæзын кæндзыстæм уыцы аварийы бахауæг куыдзы», - зæгъынц куыдздоны æмкусджытæ.

Цæрæгойты хъахъхъæнынады æмæ реабилитацийы центры бæрнон кусæг Мтиулишвили Ирма зæгъы, цæмæй æмбæстаг, Цхинвалыл рацæугæйæ, дихгæнæг хаххы цурмæ куыдзы рарвитынмæ хъавыди. Фæлæ, фæстаг моменты ацы бадзырд фехæлди. Ацы хъуыддаджы зыдтой Евроцæдисы хъусдарæгон мисси æмæ Сырх дзуары æхсæнад дæр.

Ацы этапыл, амал ис æрмæстдæр Ларсы уадзæн пунктыл æрбахизын, кæцыйæн бюрократон хъуыддаджы аразын æмæ документтæ саразынæн рæстæг хъæуы. Зианбаййафæг куыдзæн та уыйас бафæразын йæ бон нæ бауыдзæн.

VIDEO