Гуырдзиаг æмæ фæсарæйнаг бархионтæ Эргнетмæ ныццыдысты æмæ бынæттон цæрæг, Члачидзейы цæрæн хæдзары ныккæнды ссыгъдæг кодтой. Тыгъдад, кæцыйы августы хæсты музейæн спайда кæндзысты, æрыгæттæ ныссыгъдæг кодтой сыджытæй.

Сыгъдæггæнæны акци 4 сахаты бæрц даргъ кодта. 12 æрыгоны хсæн, Европæйæ æмæ Америкæйæ, ивгæ программæйы фæлгæтты, Гурмæ æрцæуæг бархионтæ дæр уыдысты. Æрыгон фæсивæд ныккæнды æрмæст уæлейæ ныссыгъдæг кæнынмæ сарæхстытсты.

«Куыддæр фехъуыстам, æмæ Эргнеты хъæуы хæсты музей байгом кæнын плангонд цæуы, аскъуыддзаг кодтам Шида Картлийы бархионтæ æымбырд уыдаиккам æмæ нæ фæсарæйнаг æмгæрттимæ иумæ ацы бынаты ссыгъдæг кæныны сæрмагонд хай бахастаиккам. Мах ардæм ноджы æрцæудзыстæм æмæ цы нæ бон уа уымæй баххуыс кæндзыстæм», - зæгъы бархион Испариани Мариам.

Музейы байгом кæныны идейæйы автор экспонаттæ ныридæгæн æмбырд кæны. Члачидзе Лиа зæгъы, цæмæй хæсты рæстæгон дзауматы æмæ мигæнæнты æрæвæрынмæ ныккæнды ноджыдæр сыгъдæг кæнын хъæуы.

«Æрыгæттæн куыд сæ бон уыди, уый алцыппæтдæр сарæзтой, мæ цæст сæм дардтон æмæ æнæрулæфгæйæ зæрдæбынæй куыстой. Æнæпайда мигæнæтæ æмæ сыджытæй ныккæнды ссыгъдæг кодтой. Фæлæ, мæ фæнды зæгъын, цæмæй музейы байгом кæнынмæ астæрды сраст кæнынæн хъæуы нæлгоймаджы тых, чызджытæн уый саразын сæ бон нæ бауыдзæни. Бархионты хсæн та уыди цалдæр лæппуйы, фæлæ æрмæст уыдон ацы куыстытыл нæ фæтых уыдзысты. Хъуыды кæнын хæрзæввахс рæстæджы ацы процессы хиуæттæ дæр хайад райсой æмæ 8-æм августмæ æртымбыл экспонаттæ æнæхъæнæй сыгъдæггонд тыгъдады æрæвæрæм», - зæгъы Члачидзе Лиа.

Цалынмæ æрыгон фæсивæд Эргнеты ныууагътаиккой, Члачидзе Лиаимæ иумæ, ноджы уæрæхдæр масштабон сыгъдæггæнæн акцийы ауадзыныл баныхас кодтой, цыран алкæмæн дæр йæ бон у хайад райса

Фотойыл: Хæлардзинады хид «Картлоси» EVS ивгæ программæйы фæсарæйнаг бархионтæ æмæ Гуырдзыстоны бархионты Испириани Мариамы æмæ Терунашвили Ликайы клубы уæнгтæ.