68-аздзыд Вазагашвили Натела НАТО-йы æмæ Евроцæдисы центры офисмæ семинарыл хайад райсыны тыххæй Меджрисхеуы хъæуæй ныццыдис. Уый ацы хъæуы астæуккаг скъолæйы 44 азы географийы ахуыргæнæгæй кусы. Хъуыды кæны, цæмæй педагогы зонынады æдзухон рæзт æнæмæнгхъуыддаг у æмæ растдæр ацы нысанæй æндæр æмæ æндæр темæйыл арæзт фембæлдтыл активонæй хайад исы.

«Куы йæ фехъуыстон, æмæ Евроцæдисы æмæ НАТО-йы темæтыл уагъд цæуы фембæлд, тынг æхсызгонæй равдыстон мæ фæндондзинад семинарыл хайад райсыны фæдыл. Дыууæ боны дæргъы æгæрон информаци райстон æмæ абон ныр дызæрдыг ууыл нал кæнын, цæмæй нæ бæстæ дæр кæй баиу уыдзæнис ацы стыр хæдзаримæ. Семинарыл нæ уыцы бæстæты историимæ дæр базонгæ кодтой, кæцытæ махæй ноджы уæззаудæр ситуацийы уыдысты, фæлæ фæтых сты уыцы цæлхдуртыл æмæ сæ аиуварс кодтой. Уымæ гæсгæ мæ ноджы стырдæр ныфс бацыд, цæмæй кæй æрыййафдзынæн æз дæр нæ бæстæйы бахызт Евроцæдисы æмæ НАТО-йы скондмæ», – зæгъы Вазагашвили Натела.

Конфликты зонæйы цæрæг ахуыргæнæг зæгъы, цæмæй социалон уавæрты æмæ носталгийы фæрцы, хъæуы зæронд, советон рæстæджы ноджы мысынц æмæ ног фæлтæрæн дырыс информаци раттын ацы къуымæй иттæг ахсджиаг у.

«Семинарыл алы рацæуæгмæ дæр лæмбынæгæй байхъуыстон, алцыдæр ныффыстон лыстæггай, цæуылдæриддæр ныхас кодтой уыдон. Иу стыр едзаг фыст тетрадимæ фæстæмæ здæхын хъæумæ æмæ ныридæгæн план кæнын, скъоладзаутæн æмæ коллегæтæн куыд хуыздæр бамбарын кæндзынæн райсгæ зонынады. Нæ мæ фæнды, цæмæй хъæуы хистæр фæлтæры ныхмæ рацæуон, куыд коммунистон режимыл хъомыл гоймаг, фæлæ бæрæг сты йе ппæрццæг (негативон) фæстиуæгтæ дæр. Бæстæйы сабырады æмæ æдасдзинады гаранти фидæны фæлтæры къухы ис. Фæнды мæ, æвзонг фæсивæды хсæн раст хъуыдыдзинады байтауыны сæрмагонд хай бахæссын», – загъта нын уый.

Меджрисхеуы хъæуæй ма йемæ иумæ уыдис ацы семинарыл ноджы иу педагог. Вазагашвили Натела Меджрисхеуы астæуккаг скъолæйы педагогтимæ æмæ ахуырдзаутимæ фембæлын растдæр ацы ахуыргæнæгимæ иумæ план кæны. Информацийæ йедзаг тетрад, специалонæй скъолæйы тыххæй скодта, кæцы куыд йæхæдæг зæгъы, æндæр æмæ æндæр конкурсты хайад исыны рæстæджы, ахуырдзаутæн дæр бабæздзæн.

«Мæ ахуырдзаутæ конкурсты арæх хайад исынц, хæрзæрæджы уагъд конкурсы мæ ахуырдзауы эсэ фæуæлахиз. Уый мæнæн ноджы стырдæр стимул дæттæг у. Цырандæриддæр педагогтæн исты уагъд цæуы, алыран дæр мæ фæнды хайад райсон æмæ активон хайадисæг уон, уый дæр ахуырдзауты пайдайæн», – зæгъы ахуыргæнæг дихгæнæг хаххы цур хъæуæй.