"Премьер-министры бахæсгондæй, кусæм сæрмагонд механизмыл, кæцыйæ æргътæ контроль кæндзыстæм 9 сæйраг хæлцадон продукттыл. Ацы продукттæ сты: пырындз, макарон, зети, ссад, сæкæр, мæнæу, æхсыры ссадæг, сауфугæ (гречка), æмæ хъæдур", -фехъусын кодта хъæууон хæдзарады министр, Давиташвили Леван.

Уый ныхасмæ гæсгæ, егъау æрбадæтджытæ компенсаци райсдзысты уый тыххæй, цæмæй уыдон аргъ бахъахъхъæной æмæ цæмæй ма фæзынаргъ уой ацы 9 нысаниуæгджын продукты, кæцыйыл баст у нæ цæрджыты сæйрагдæр хайы хæлцадон продуктты ифтонг кæнын.

"Мах валютон рисктæй фæдзæхсты механизм бадæттам сæйраг импортертæн, ставд дистрибутортæн. Нæ бон у зæгъын, цæмæй фиксиргонд курсон режимы фæдзæхст скæндзыстæм хицæндзинады конкретон аргъæй æмæ конкретон ивæн курсæй. Бизнесимæ бадзырд уыд, уымæ гæсгæйæ, мах скусын кæндзыстым механизмы", - банысан кодта министр.

Цы хауы фæстауæрцмæ, уымæй бæстæйы сæйраг хæлцадон продуктты фæстауæрцтæ фаг ис:

"Уыд цалдæр продуктыл къуылымпыдзинад (дефицит), кæцы, иуæрдыгæй, паникон æлхæд расайдта, æмæ, иннæрдыгæй та, климаты тыххæй уыд. Боныхъæд фæхуыздæр: фæндæгты сыгъдæггæнæн куыстытæ интенсивонæй цæуынц æнæхъæн боны дæргъы уый тыххæй, цæмæй товар рæстæгыл уа, кæцы хъуамæ æрбацæуа сурзæххон фæндагæй Гуырдзыстонмæ Ларсæй. Фæхуыздæр уыдзæн уавæр Сау денджызыл дæр æмæ наутæй райдайдзысты æвдæлон кæнын хæлцадон продуктты. Æмæ фæстагмæ, хæлцадон продуктты дефицитæн æмæ æргъты фылдæрадæн ницы бындур нæ уæвы, иттæг ахсджиаг у, цæмæй хицауады рекомендацитæ алы æмбæстаг дæр йæ зæрдыл дара", - загъта алфæмблайы хъахъхъæныны æмæ хъæууон хæдзарады министр, Давиташвили Леван.