83 аздзыд Къанделакъи Мариам агуыридурæй арæзт хæдзары иунæгæй цæры. Цæрæн бæстыхайы цар дæлæмæ æрхæцыд, йæ уæлхæдзар та, пырхгонд у. Къæвдайы рæстæджы дзы къæвдайы дон тæдзы.

Социалон æнæхъахъхъæд зæронд ус кæйдæр хæдзары цæры, фæлæ йын æххуырсты æхца нæ фидын кæнынц. 8 азы размæ ацы хæдзары полицæ постæн пайда кодта.

2-аг майæ, алы дыццæг æмæ сабаты организаци «Схивийы» уæнгтæ сихорæн хæринаг бахæсдзысты. Мания-нанайæн ацы хабар программæйы къухдариуæг Миндиашвили Нино фехъусын кодта.

Миндиашвили Нино ныр цалдæр азы, Никозы хъæуы, сылгоймæгты организаци «Танхмобайы» минæвар у. Цалдæр бынæттон цæрæгимæ иумæ æмбæстагон активизмы клуб сарæзта.

Æппæты фыццаг, проекты «Аккаг зæрыбоны» сæргълæууæгæй райдыдта кусын. Уатон рынчын зæрæдтæм хæдзæрттæм цæуынц æмæ сын æххуыс кæнынц алцæмæй.

«Растдæр, ацы уавæртæм гæсгæ, мах батырныдтам саразын мобилон хæлцады сервис», - зæгъы Миндиашвили Нино.

Никозы хъæуы темы сконды цы æртæ хъæуы мæгуырцæрæг 35 зæрондæн уыдонæн къорды уæнгтæ къуырийы мидæг дыууæ хатты хæлцадæй балæггад кæндзысты. Се ‘хсæн ис, Къанделакъи Мариам дæр.

83 аздзыд сылгоймагæн бинонтæ нæй. Æвзонг бонты Цхинвалы куыста. Æртæ уатон фатер ын Цхинвалы радтой, фæлæ хæсты фæстæ, лигъдон у.

Ныртæккæ, йæхи тыхтæй змæлын йæ бон нал у. Социалон æххуысæй цæры. Йæ номыл регистрацигонд цы зæххы фадыг ис, уый æндæртæ бакусынц æмæ йын тыллæгæй чысыл авæрынц.

Проект «Æнæниз хæринаг, дæргъвæтин цæрæнбоны презентаци» æххæст цæуы PIN-ы социалон проекты фæлгæтты, кæцы финансгонд у Евроцæдисы æмæ Чехы фæсарæйнаг хъуыддæгты министрады рдыгæй æмæ уагъд цæуы Гуырдзыстоны стратегион иртасæнты æмæ рæзынады центримæ æмгуысткæнынадæй Гуырдзыстоны æртæ регионы: Имереты, Самегрелойы æмæ Шида Картлийы. Тхъибулы, Хоны, Зугдиды æмæ Гуры муниципалитетты.

Чехаг æнæкоммерцион организаци PIN æххæст кæны проекты «социалон хъахъхъæды фарстæтыл кусæг æнæхицауадон организациты хайадист стыхджындæр кæнын стратегион диалогиæй Гуырдзыстоны» цыппар нысанæвæрд муниципалитеты (Тхъибулы, Хоны, Зугдиды æмæ Гуры), кæцыйы нысан у социалон сервисты æнцонвадат скæнын бынæттон цæрджытæн Гуырдзыстоны.